LIKBK Pastor Bial inkhawmpui neih a ni.

Lairam Isua Krista Baptist Kohhran, Pastor inkhawmpui neih  chu nizan khan a tiak.
LIKBK Pastor bial inkhawmpui hi, Pastor bial hrang hrang ah tunkar Ningani atang khan neih tan a ni a, Bial Inkhamwpui ah hian Pastor bial chhung inenkawlna tur leh, Kohhran in hma a sawn theih nan a rawtna hrang hrang, tualchhung Kohhran atanga lut te ngaihtuah a ni a, Pastor bial inkhawmpuiin a relfel theih bak, rorelna sang zawk a thlen ngai te chu Regional Church Council  kumin November 14 atanga 17 a neih tura ngaihtuahtur atan thlen a ni ang.

          LIKBK rorelna inkhaidiat ah, Tualchhung Kohhran rorelna chung chiah a mi, Pastor bial inkhawmpui ah hian Pastor bial hrang hrang te chuan inkhawmpui thupui thlanbik neiin,Speaker ten thupui thlansa behchhan in Pathian thuchah an puang chhuak thin a ni.

       
LIKBK ah hian Tualchhung Kohhran 116 awmin   Pastor bial 22 awmin, Lawngtlai Vengpui Pastor bial atangin Bazar  Pastor bial chu a indang dawn a, hei nen hian Pastor bial 23 a awm tawh dawn a, Regional Church Council panga a awm a, Kohhran inchhiarna  tharber a a lan danin Member 30000 an awm mek