L-III ah Kawng danpin a ni

Fur laia lei chet thinna Lawngtlai-III Sinking Area  NH 54  chu Kumin July 20 khan nasa taka min leh in, LMV bak kaltlang theih ani lo va, hei

vang hian Kawngpui sira Pu  Vanhnuailiana Workshop chu Lirthei lian kaltlang theih tura siam niin, an ni chuan Kawngpui pawimawh tak anih mai piah lamah, Mipui mamawh Bungraw phur lirtheite an kal tlang theih nan phal takin an ram chu an siam tir a, hetih lai hian sawrkar lam atangin  thu engmah an hmuh loh vang leh, an Workshop a hnathawkte hlawh pek reng angaih bawk si avang te, hnathawk theilo a an awm reng bawk avanga mangang chuan nimin chawhnu lam khan helai kawng hi an ping ta a, Motor lian engemawzat an tangkhang mek ani.

        NH-54  Aizawl To Tuipang hi Double Lane a siam thar tur ani a, kawng siam hna hi NHIDCL.Pvt Ltd. Guwahati chuan a thawk dawn a, nimin  kha  PWD ten charge an inhlan hun tura ruahman ani a, hemi anih avang hian kawngpui siamna  tur pawh PWD kutah  a lut tawh lo a. Company kutah mawhphurhna a awm tawh dawn ani. Lawngtlai DC lam in NH54 Double Lane a siam tur anih avanga mimal ram tih chhiat tur hnena Compensation pek zawh anih hma chuan NHIDCL hnenah Sum pek theih a nilova Hetiang anih avang hian helaia mimal ram an hawhsak  hnenah pawh engmah an ti thei hrih lo  niin NHIDCL lam chuan an sawi

          Workshop neitu Pu Vanhnuailianan  chuan  reilo te min hmansak turah kan ngai a, Thla thum dawn hna thawk theilo a kan awm hnua ah pawh, sawrkar lam atangin engmah thu kan dawng lova,  hriatthiam har kan ti a ni a ti.