Lawngtlai khawpui ah kangmei a chhuah palh a, kang thelhtuten awlsam zawk a tui an lak theihna tur Fire Hydrant siam mek a ni.
PHE Department Lawngtlai Division leh Fire Department tangkawp chuan, kangmei a chhuah palh a, kanghthelh hna chak zawk a an thawh theih nan Lawngtlai khawpui chhung ah kangthelh motor ten tui an lak zung zung theih na tur point, Fire Hydrant an siam mek a, hei hian kang thelh nan a tui hman a zawh palh thulh ah pawh chetvel a ti awlsam hle tur a ngaih a ni.
PHE Department a SDO, Pu Mangliandinga chuan, enchhinna an neih ah, Kangthelh motor, tui litres 2800 phur thei chu, minutes 2 atanga minutes 3 chhungin tun a Lawngtlai Chandmary veng huamchhung a Fire Hydrant an siam atang hian a chhungkhat tih a sawi.
Lawngtlai khawpui chhung a Fire Hydrant siamna tur hi a hranpa in pawisa a awm lova, PHE Department leh Fire Department tangkawp chuan, khawpuiin a mamawhna hriain, an remhriatna hmang a an thawh niin, khawpui chhung hmun remchang dang ah pawh a theih ang angin Fire Hydrant hi dah belh an tum.
Tags
News