Khawpui fai inelna ah Lawngtlai chuan panga dinhmun a hauh pha a, a lawmawm khawp mai, a hmalam a dinhmun hniam taka ding a nih vangin a lawmawm zual in a hriat a ni.
Faina lam a beihpui thlakna hi Sorkar lam chuan a kalpuina a rei viau tawh a, tunhnai chho ah nasa zawka beihpui thlak chhoh a ni hian awmzia pawh a neithui viau in a hriat a ni.
Hetihlai hian, hmalakna dang hnualsuat emaw, sawinep na lam nilose, YLA meuh in beihpui a han thlak chho hian, ram hmel a tidanglam a, khawpui dinhmun pawh a chawikang tih hi thil chiangtak niin a hriat a, YLA hian kumtinin, Faina lam hawi thupui atan a nei reng thei dawnlo, tuna midang zirtir tur a hma an lakna hi awmzia a neihzui a, rampum a dinhmun sang zawk luah theih nan chuan, mipui lam mawhphurhna hi a sang viau in a hriat a ni.
Lawngtlai hian State Sorkar, LADC leh Tlawmngaipawl te hmalakna vangin heiaia dinhmun sang zawk hi a luahthei tih a chiang a, faina lama hmalakna hi tawpsan emaw, tuna kaldan pangngai emaw a din ngawt chi a nilova, uar deuh deuh a pawimawhin, mahni theihna zawna tanlak thar zel hi khua leh tui te tihtur diktak niin a hriat a ni.
Tags
Editorial