Editorial LIRTHEI CHETVEL DAN HI

        Khawpui hmel lanna langsar tak chu, lirthei chetveldan hi ani, khawpui a lirthei chetveldan a mumal a, lirthei khalhtute an hawihhawm viau chuan, khawpui chu enhniam theih a nilo.

         Lawngtlai ah hian lirthei chetveldan hi, a tha zawng nilo a sawizui hlawh tak zing a mi niin a hriat a, Aizawl a No Parking zone a lirthei dah duhlo khan, Lawngtlai a nih vanga kan dah  hrehlohna lai hi kan mutan pakhat niin a hriat a, kan khawpui zahawmna humhim aia, kalphung pangngai pel a chet hrehlo te vangin, lirthei chetvel dan hian sawi pawh a hlawh zualin a hriat a ni.

         Lawngtlai a lirthei khalhtute hi khawpui dang Driver aia an hniamna a awm miahlo, hawihhawmna, Driving Manners hi tun ai hian tlemin han ngaihpawimawh hret ila, khawpui entawntlak a nih lohna tur a awmin a hriat loh.

         Lirthei chetveldan ah hian, inmawhpuhtawn hian awmzia a neilova, mahni hmazawn ah theuh, mumal leh zahawm taka lirthei chettir theitu kan ni tih inhria a, helam hawi a rahbi pahnih khat lek rahbelh thei ila, chu chuan awmzia a neithui ngawtin a rinawm.