Kumtin a hman thin Faina Hapta chu khar a ni ta a, Hapta hman thin hi, Fai tur a inzirtirna atan a hman a ni a, Hapta hi khar nimahse, a nihna tak ah chuan, khar hnu hian, a tak a hmalakna chu kalpui chhoh zel tur niin a lang.
Kumin hian Lawngtlai ah Zirna In, Sorkar Office leh Thingpui dawr leh Restaurant te tan inelna buatsaih a ni a, boruak siamlian thei ber thin, Veng inelna erawh telh a nilova, Veng inelna hi telh a nihloh chhan erawh puanzar nilemlo mahse, Committee rilru ah, Veng leh leh veng inelna piahlam ah, inelna sang zawk hmachhawn tur a mipuite an duh vang ah a ngaihtheihin a hriat a, chona liantak a ni.
Khawpuifai inelna ah Lawngtlai in panga a hauh a, he dinhmun atanga dinhmun sang zawk luahtur chuan, fai reng a ngai, faina lama hmalakna hi spring nembeh ang deuh a ni a, hmalakloh chuan a rawn pawng chhuak leh mai thin a, hetiang a nih vang hian, Lawngtlai mipui ten, faina lam a hmalakna ah, veng thenawm aia fai nih tum aiin, khawpui dang aia fai nih tumna nei a, chu dinhmun luahthei tur a hma an lak a pawimawh a, heihian Lawngtlai hi khawpui fai leh nuam a a chher chhuak ngei ngei in a rinawm a ni.
Tags
Editorial