Editorial | SOCIAL MEDIA HMAN FIMKHUR A NGAI

    

         Mipui nawlpui ah Social media hi a mikhual lovin, Social media luhchilhlo chu khawpui ah phei chuan an awm mumallo hial maithei.

          Hetiang khawp a Social Media in minrun mek lai hian, he media, hmanrua chaktak mai hi fimkhur taka a hmangtuten an hman a pawimawhin, awlsamtaka midang tichhiat mai theihna hmanrua a nih vang hian, hman fimkhur a ngai zual khawp mai.

          Smartphone hmangin, smart lemlo, midang tan a tangkaina awm aimah a, hnawksak zawk a ngaihtheih, thu leh thalak thlengin, minute tinin a darh chuai chuai reng a, heng boruak inlumlet reng kar ah hian, Social media hmangtu lam ten, he media tualzawl zautak ah hian, tualchaidan chintawk an thiam a pawimawhin, mahni leh midang kawng tihpin sak mai awlsam tak a ni tih hriatnawn fo a tul a ni.

          Social Media hi a hmangtu dinhmun tilangchiangtu atan a tehfung pakhat atan hman a ni fo. Ruihhlo leh Social Media chu a mawl a piangah a thawk na tite pawn sawi a ni hial thin.

           Engpawhnise, he Media Chempui hriamtha tak hi, tangkaitak a kan hman chuan, kan khawsak phung thleng a minchhawk zangkhaitu a ni tih kan hriatreng a tul a, chu Chempui hriam tak chuan, a khak loh tur a lo vaitel hian pawi liantak a khawih thei pawh kan hriatreng a tha awm e.