Lok Sabha inthlanpui neihmek ah Lawngtlai District chhung a kum 85 chin chunglam leh Vohbik bakah Election Commission of India in a nawlpuia vote thlak ni tura a ruat April 19 a hnatul vanga vote thlak remchanglo tur a pawmte, vote thlak hmasak diltute chuan vote an thlak zo tawh a, vote tla hi a vaiin 153 a ni.
Tuichawng Assembly bial ah kum upa vote thlak 22 awmin, Lawngtlai West ah 21 an awm a, Lawngtlai East ah kum upa vote thlak 85 awmin, Vohbik vote thlak 3 an awm bawk. Kum upa leh Vohbik, an In lama vote thlak diltute hi Polling Party ten an In lamah kalchilhin vote an thlak tir a, vote thlak hi an vaiin 131 an ni
Heng bakah hian an hna vanga a nawlpuia vote thlak ni a vote thlak remchanglo, mipui mamawh hna hrang hrang thawk, (Essential Service Absentee Voters) Election Commission in a pawmte atangin Postal ballot hmanga vote thlak 22 awmin heng zinga 7 chu Lawngtlai District chhung ami an ni a, DC Office Lawngtlai ah vote hi an thlak.
Tihian Lawngtlai District ah a nawlpuia vote thlak ni a thlen hma a Vote thlak hmasa chu an vaiin 153 an ni.
Tags
News