Vawiin hian Lawngtlai a Damdawiin pahnih Lairam Christian Medical Centre leh Christian Hospital, Lawngtlai ah te damlo a thlawna a zai Free Surgical camp neih a ni a, damlo 50 chuang zaitur awmte zai mek an ni.
A thlawna damlo zaina Free Surgical Camp hi Association of Surgeons of Mizoram bultumin, Association of Surgeons of India, North East Chapter leh Indian Society of Anesthesiologist, Mizoram Branch nen tangkawpa buatsaih a ni.
Dr.Saia Chenkual M.S (General Surgery) chuan damlo zai ngai, a bikin hmun kilkhawr aawm leh hmunpui zawk pan harsa te tan Association of Surgeons of Mizoram chuan a thlawna inzaina hun hi a buatsaih thin tih sawiin, Lunglei leh Champhai ah an lo neih tawh thu leh, a remchandan angin kumkhat ah tum hnih khat tal chu Free Surgical Camp hi neih thin an tum thu a sawi.
Damlo zai ngai te hi hmunhnih ah thenin Christian Hospital Lawngtlai ah Naupang lam leh awlsam deuh zawka zai theih te zai an ni a, a dang zawng chu Lairam Christian Medical Centre ah zai an ni a, damlo zaingaite chu zaizawh an nih hma chuan zai chhunzawm an tum tih Association of Surgeons of Mizoram hruaitute chuan an sawi.