Khawpuifai endiktuten Lawngtlai an endik.

    

    Mizoram Cleanliness Competition 2022 hnuai ah khawpuifai intihsiakna neih mek ah tunlai hian endiktur a ruat Pannel of Judges ten khawpui hrang hrang an endik mek.

    Heng khawpui fai endiktute hi I&PR a Dy.Director Pu Andrew H.Lalremruata'n hovin, Judges dang pahnih Pi C.Malsawmzuali Scientist 'B' Mizoram Pollution Control Board leh Mizoram Journalists Association Gen Head Quarters a Treasurer Pu C.Lalhmachhuana te chuan nimin khan Lawngtlai lutin nimin leh vawiin lam ah Lawngtlai khawpui a faina leh thianghlimna lama hmalakna te an en a, faina lama hmalakna hrang hranga zawhna awmte District thuneitute zawtin, khawpui chhunga hmalakna te a hmun ah kalin an en a, SDO(Sadar) Pi T.T.Beikhaizi District Project Officer, UD&PA Lawngtlai leh a thawhpui ten Khawfai endiktute hi lo dawngsawngin, khawpui an fanpui.

    Heng khawfai endiktu Pannel of Judges te hian vawiin chhun khan Lawngtlai chhuahsanin Lunglei an pan a, ruahmanlawk ang chuan zanin ah Lunglei ah riakin, naktuk ah Lunglei bak ah Hnahthial an endik anga, Serchhip ah riaklutin, khawpui fai a hmuna endik chu an zofel ang.