Lawngtlai DC aiawhin Sub-Deputy Commissioner Pi Doris Lalrinawmi hovin Fair Price Shop Retailer-te hi endik a ni a. DCSO office atangin Inspector of Food, Civil Supplies & Consumer Affairs Pu M. Vanlalduata leh District Programme Manager Pu C. Lalrinawma te'n an tawiawm a. Lawngtlai khawpui chhunga FPS retailer 10 - Thingkah A, Thingkah B, Lawngtlai-III A, Lawngtlai-III B, Bazar B, Council Veng A, Council Veng B, Lawngtlai-IV B, Lawngtlai-IV C leh College Veng A FPS-te an tlawh a ni.
Retailer-te hi an dawrah kal chilhin, sawrkarin an tih tura a tuk an ti em tih leh an zawm tur kaihhruaina a duante an zawm tha em tih te enfiah a ni a. Mipuiin sawrkar atanga hamthatna an dawn tur chanpual dik taka an chan theih nan retailer-te chu an mawhphurhna hrang hrang hrilh nawn an ni bawk a. An harsatna te zawh niin, a chin fel dan tur te sawi ho a ni bawk.