Bangladesh atanga an sahimna zawnga Lawngtlai District a tlanlut, Parva-III a awmte chu vawiin khan Lawngtlai DC thupek angin Mautlang, Chamdur 'P'-I leh Vathuampui ah chhungkua 44 sawnchhuah an ni.
Sorkarin a chhinchhiahdanin Parva-III ah hian Raltlan 310 an awm a, heng zinga 154 chu vawiin khan hmundang ah sawnchhuah an ni a, Mautlang ah chhungkua 10, Mipa 20, Hmeichhia 13 Naupang 13 an vaiin 46 dah an ni a, Chamdur P-I ah chhungkaw 14, Mipa 19, Hmeichhia 11 Naupang 12, an vaiin 42, Vathuampui ah chhungkua 20, Mipa 24 Hmeichhia 25 Naupang 17 an vaiin mi 66 dah an ni.
Raltlan sawnchhuahte hi Mautlang ah chuan Primary School leh Middle School ah dah an ni a, Chamdur P-I ah pawh School leh Hall chu an awmlailawk nan ruahman niin, Vathuampui ah hian Raltlante awm lailawkna tur a ruahman In bak ah School chu dah lailawk nan hman a ni bawk.
Tihian tundinhmunah Parva-III ah hian raltlan 156 an la awm mek a, Raltlante hi an awmna hmuntura an kalna tur hian 199 Bn BSF te chuan motor ngaihtuah sakin a tul angin an pui.
Tags
News