Baptist Kohhran Hmeichhe Pawl (BKHP), Electric Veng Unit, Lawngtlai chuan vawiin khan BKHP Day vawi 87-na pualin khawtlang tihfai hnatlang an thawk a. Mi 50 chuang an thawk chhuak. BCM Biak In, Electric Veng aṭanga ṭanin, Electric Veng chhung kawng dunga bawlhhlawh an chhar fai a ni.
BKHP hi BCM chhunga Pâwl (Fellowship) din hmasak ber niin, kum 1938 khan BMS Missionary Pi Zirtiri (EM Chapman) hovin Girls Auxiliary (GA) tih hming puin Assembly hriatpuina leh kaihhruainaa din a ni a. Tun thleng hian thlarau lam rawngbawlnaah pawh Kohhran hnuk leh chelh mar tlattu pawl ṭangkai tak la ni ta zel a ni.
Tags
News