Diltlang bial ah ram ruak, Hactare 32 zet hmuhchhuah ani.

         Lai Autonomous District Council huamchhunga, Diltlang South bialtu MDC, LADC a Executive Member, Pu HC Lalthawmliana chuan, mipui chu kaihhruai ngai an ni a, an tana kawng sialsak chu Politician te tihtur a nih thu a sawi.

  Nimin khan Pu HC Lalthawmliana hian Diltlang South tlawhin, Revenue Office a tlawh bak ah, Dawnfawh chingtute a tlawh bawk a, MDC chuan mipuiten kawngdik zawha, mahnia intodelh tura bul an tan chu a duhber a ni tih sawiin, thiltha a tihna kawngah, tlak phah dawn pawh nise, a inhuam thu a sawi a, inthlanpui ringawt enzawn Politician te chu ram leh mipui hruaina ah an huaisen theilo a ti.

Revenue Office a tlawhna ah Pu HC Lalthawmlaina chuan a bialchhungah mipakhat in ram zau tak tak an hauh vangin, Revenue Department ten ram zauzawng an tehthat thu sawiin Hactare 32 lai ram ruak hmuhchhuah a ni a ti a, ram neilo, leilung behchhana intunnunnan a hmangduhte hnen ah pek turin ruahmanna kalpui mek a nih thu a sawi.