Editorial || DISTRICT MIPUIIN DC KAN UI.

Lawngtlai ah hian DC engemawzat an awm tawh a, tuntum a Lawngtlai DC hmundanga sawnchhuah a ni hi, uitu an tamtum tak a ni hial maithei. 

Engvanga DC hi  mipui lamin ui viaunge an nih tih lai hi a pawimawh lai a ni a, fellohna, tlinlohna tamtak a nei   ang tih a chianga, hetihrual hian, DC in a tihtur    diktak  ti a, hmangaihna nen District mipui a enkawlna hian Dr Andrew H.Vanlaldika hian uitu a ngah zual niin a hriat a, a lawmawm khawp mai.

Sorkar hnathawk an ni emaw, nitin inhlawhfa an ni emaw, enghna pawh thawk ila, mahni hna a tui, mitaima, thuhnuairawlh tak chunga  an thawhsakte tan a inpete aia hlu an awm lova, hetiang mite hian hriatzui an hlawhin, mite ngainat an hlawh thin.

DC in a tihtheih tamtak hunreilote chhungin District mipui in an hmu a, hunkhirh leh harsa karah NGO lam thawhpuina thatak te kha sawizui fotur a ni  a, NGO ten theihtawp chhuaha an thawhpui theihtur a DC in lalthuthlenga thu ngawt lova, a tihtur a ti thin te khan, District mipui thla a timuang a nih kha.

DC hi kan la nei zel dawn a, NGO leh mipuiin a pawng atakin thawhpui theihloh an nei ngailo, helai tak hi tute pawh DC nise an thlirfuh a tul a, tuna Lawngtlai DC hian engtianginnge District a kaihhruai tihte hi a hnulama awmturten inzirnan hmang teh se.