Oil Palm lawhna leh huan samna sem.

    Nimin Ningani   khan Bungtlang South khuaa Oil Palm chingtu mi 26 te chu Oil Palm rah lawhna hmanrua chi hrang hrang bakah Huan sam faina Brush Cutter pek an ni.

    Heng hmanrua chi hrang hrangte hi ICAR-Indian Institute of Oil Palm Research(IIOPR) ten NEH- Backward Village Scheme hnuaia khaw thlanchhuah bikte tan a thlawna an pek niin, hmanraw sem chhuahna Pu Lalringliana  DAO,Lawngtlai kaihhruaina hnuaia neihah hian DAO,Lawngtlai chuan Oil Palm chingtu mi tam tak zingah Oil Palm huan samna leh a rah lawhna hmanrua chi hrang hrang dawng tura thlan bik an ni chu an vanneih zia hria a,taima taka an Oil Palm huante enkawla, an hmanraw dawnte hmangtangkai tur a chah.

    Tun dinhmunah Lawngtlai District-a Oil Palm rah thar chhuahte chu  khaw hrang hranga Collection Centre atangin Ruchi Soya Industries Ltd. ten Kg 1 Rs 10/- in an leisak zel a.Lawngtlai District-ah hian tun dinhmunah Oil Palm rah hralh thei  chhungkua 700 vel an awm mek a, Fur laia kawng chhia avangin kuthnathawktu engemawzat chuan a hralhna kawngah harsatna an tawk thin a, Agriculture Department  lamin an chhutdanin danin kumin chhung hian   800Metric Ton aia tlem lo Oil Palm ching tute hian an hralh chhuah theih   a beiseiawm.