Vawiin 27/05/2021 hian, Pu T. Lalengmuana, Executive Member (i/c LAD) Lai Autonomous District Council chuan Electric Veng leh Lawngtlai-III veng chhunga quarantine te leh a mamawhtute hnena sem tur thlaihnah leh rah chi hrang hrang a semchhuak.
Pu T. Lalengmuana, EM, LADC leh bialtu MDC nibawk chuan, Ngengpuikai khua VLTF te chungah lawmthu sawiin, Covid-19 hrileng hlauhawm tak karah an khawchhunga motor leh mikhual pawh din phalloh tiin, strick taka kalpui a nih mek lai a, Ngengpuikai VLTF tena a ngênna an tihhlawhtlinsak a, an nûl a thlai lak loh tur lockdown zawh hma zawng an lo tih tawh pawh sút a, thlai laksak a ṭhahnemngai taka a ngennate an tihhlawhtlinsak avangin alawm tak zet thu a sawi, a ni.
Tin, Lawngtlai-III & Electric Veng YLA/ VLTF tena tlawmngai taka an lirtheite chawhmeh (thlai) phur tura an thawhchhuahpui leh a nau/Pu Chatea'n oil a tum/thun sak vek chu alawm tak zet thu a sawi bawk.
Pu T. Lalengmuana, Bialtu MDC leh EM nibawk chuan a bialchhung VLTF tena chhun leh zân pawh sawi hlei thei lova, thahnemngai taka veng chhung mipuite kan himna tur atana theihtawp an chhuah thin chu fakin a thlamuanthlak tak zet a ni, a ti a. Chumai piah lamah a bial chhung VLTF tena chawhmeh phurhna tur atana ruahmanna felfai tak an siam te leh motor thlenga an thawhchhuahpuinaah lawmthu a sawi nghal bawk a ni.
Bialtu MDC ṭha tak kan nei hi kan vannei takzet a ni. A thlamuanthlak khawp mai.
ReplyDelete