Chakma Autonomous District Council huamchhung ah Covid 19 Positive hmuhchhuah an punzel vangin vawiin chawhnu khan Lawngtlai DC, Dr Andrew H.Vanlaldika chuan biakhmuhtheihna hmangin Chawngte a mipawimawhte Meeting a neihpui
He Meeting ah hian Chawngte atangin SDO(C), Senior Medical Officer, Police hotute, CADC a CEM leh Young Chakma Association hruaitute an tel a, Lawngtlai atangin DC hovin, CMO, Dr LP Malsawma leh Medical Superintendent Dr Zothanpari Chhakchhuak leh SMO, Dr Thaizi bak ah Addl SP Pu C.Lalruatkima leh mipawimawh dangte an tel
Chawngte huamchhung ah Curfew puan ni mahse, chhungkua leh thenawm khawveng intlawhpawh an tam ni a a lan vangin, DC chuan khauh zawkin inkhuahkhirhna kalpui turin thuneitute a hrilh a, Healht Department lam a thawktu indaihlohna pawh sutkian a nihtheih nan ruahmanna siam a nih tur thu a sawi a, Police leh CRPF lam ah hrikai an awm vangin chechhuaktur an indaihloh thu Meeting ah hian sawilan niin, Chawngte SDO(C) chu thuneitu dangte nen inrawnkhawm a, VLTF tha tichak tur a hmalakna chak zawka kalpui tur a tih a ni.
Nimin khan Chawngte ah hri kai 46 hmuhchhuah belh a ni a, tun dinhmun ah Hrikai 135 Mipa 73, Hmeichhia 62 an awm mek.
Meeting ah hian Chawngte a 4C dang siambelh tur a hmalak nise anti a, a ranglam in CMO lamin hmalaknate a hmunah enpuise an ti bawk
Tags
News