Central Sorkar in ruahmanna a siam zulzuia Mizoram Sorkar in Fair Price Shop atanga PMGKAY Scheme atanga Buhfai latur ten Online hmanga buhfai latur a kalpuimek chu Internet Service a mumalloh vangin Lawngtlai District chhungah Offline a Buhfai pekchhuah Sorkar in a remti.
Vawiin khan DCSO, Lawngtlai Pu B.Liansiama chuan hriattirna chhuahin Online a buhfai sem mek chu Internet Service mumalloh vang leh Biometric enrollment ah harsatna a awm vangin May 29, 2021 atanga June 5, 2021 chhungin Retailer te chu Offline a Buhfai pechhuakturin a hriattir.
Electronic Point of Sale hmanga Ration Card neiten kut zungthla nem a Buhfai an lakchhuah thin chu Lawngtlai District ah hian Internet Service a mumalloh vangin kalpui hleihtheih a nilova, Online hmang hian May thla chhungin Buhfai latheitur atanga chhutin za zel a 30 vel bak pekchhuah theih a nilova, heivang hian Offline Mode in mipuiten Buhfai an laktheih nan ruahmanna hi siam a ni ta a ni.
Tags
News