.jpg)
Sorkar bakah Supreme Court hial pawn Bawlhhlawh chungchangah hian dan zawmtur khauh tak tak a neih lai hian, Lawngtlai chu thuhranah pawh dah ta ila, Mizoram hmundangah pawh mumal taka Bawlhhlawh sawngbawlna hi hmuhtur a awm fumfe rih lova, kan hmasawnna hian Bawlhhlawh sawngbawl lamah Sorkarin a beisei ang a la thlenloh vang ah a ngaihtheih in a rinawm a, heihi State Sorkar emaw Central emaw mahni thuthmuna lo tawngpawng dem ngawtna tur niin a hriat lohva, thuneitu lamten theihtawp an chhuah tih erawh hretel ila.
Lawngtlai khawpuiin Bawlhhlawh a neihte chu Mampui kawngpui kamah paih a ni a, hmundang, mipui tana hnawksak nep deuhtur pawh thuneitu lam ten an dap mek a, beiseina nen thlir phawt ila.
Tun dinhmunah helai Bawlhhlawh paihna a hnawksak zualna chu a kang thin hi a ni. Bawlhhlawh inchhekkhawl tawh kang chu Furpui ruahsur tam vanglai pawn a mit har viaua, engvanga kangnge tihte, a kan chhante hi Magistrate thuneihna a chhuichiangtur ruahman hial tham niin a hriat.
Bawlhhlawh paihna kang hi a kang satliah mai a nilova, a bulvel tan a hrehawm piahlamah khawpui chhunga Veng thenkhat tan phei chuan hrehawm tham tak a tling a, hriselna thlenga nghawng thei a ni a, enliam chi niin a hriat loh.
Thuneitu lamten a theih angangin thelhmih tumin hma an la renga, beisei ang diak diak pha rihlo mahse, mipui lam pawn hetiang hi a thlen nawn loh nan a titu hriatchhuah kawngah thuneitute thawhpui thiam a tultelin a rinawm.