Pu Ranjit Das, Kum 52 Lawngtlai Bazar Venga khawsa, PHE Department hnuaia thawk, Group D (Work Charged) chu August 07,2026 chawhma dar 8:00am- 10:00am inkarah a Duty na tur PHE Pump House, Chhimtuipui (Ferry) pana a kal chu a hmun thlenglovin chin hriat lohvin a awmzui a, a chanchin ngaihventute atangin Tuiah a tla ngei ni a ngaih a nih vangin zawn nghal niin, chanchin ziaklai thleng ( August 09, 2026 Dar 1:30PM) hian hmuh a la nilo.
Pu Ranjit Das ruang hi vawiin hian YLA, Bazar veng Branch leh YLA, Council Veng Branch ten Tuipui Ferry lamah zawngin, Central YLA Hruaitu thenkhat ten an thutchilh mek a, Hruitezawlah pawh ruang hi lo zawn tho niin Tuithumhnar Sub- Hqrs hruaitu ten an thutchilh mek bawk.
YLA Kawlchaw West Branch leh Sihtlangpui Branch ten Kawlchaw Tuipui ah Ruang zawnna hna an thawk mek bawk. Central YLA hruaitute leh Paithar Sub-Hqrs YLA hruaituten Kawlchaw hi an thutchhilh bawk.
Ruang zawn mek hi hmuh anih hma chuan Ni 7 chhung zawn a nih tur thu Central YLA hruaitute chuan an sawi.
UPDATE August 11, 2026 (11:10 am)
Pu Ranjit Das ruang hi nimin tlailam khan Chhimtuipui mawnglam, Burma ram chhungah hmuh niin, tukin zing dar 8 khan ruang hi Lawngtlai thlenpui niin, Postmortem te tih zawh a nih hnu ah vawiin hian Lawngtlai ah vuiliam a ni ang