.jpg)
Lawngtlai District hi hnam hrang hrang inchenpawlhna a ni a, tawng hrang leh hnam ziarang hran neite lungrual taka awmna niin, Lawngtlai District hi a tha zawngin India ram hlimthla lanna a ni hial awm e.
Lawngtlai District chhungah Lai Autonomous District Council hmunpui, Lawngtlai chu Deputy Commissioner thuthmun a ni a, tuna kan DC leh DC lo nitawhte paw’n hnam hrang hrang tawng leh ziate an ngaihlu viau thin a, tuna kan DC nilai hian DC Office Whatsapp Group ah a theih chin chin ah Lai Tawng nilo, tawng danga titi leh thil pawimawh sawilo turin Group Member te a ngena, Lai tawng thiamlo te chu zirturin a chah bawk.
Kan DC in hetiang khawpa Lai Tawng chawinun tuma a beihna hian hnuk a tiulh thei lek lek zawka, a lera thuai mai lovin abulthut, an mahni Office Staff te ah bul a tan hi a hria apiangin an fakin a rinawm.
Tawng hi hnam ziarang lanna pawimawhber a ni hialin a rinawma, LADC awmchhan chu Laifate vang a ni a, Laifa hriat hranna awlsamber leh hnam hrang nihna tilang awlsamber chu Lai tawng a ni, Lai tawng vawnhima chhawmnun a pawimawhzia hriaa, DC in hetiang zawnga hma a lakna hian awmzia a neithui viauin a rinawm a, midang tan chona nasatak a nih ngei pawh a rinawm.