Tho Law Dir Tuah (Stand Up Lawngtlai) hnuaiah hmalakna bultan chhoh mek a ni.

Lawngtlai Bawrhsap ruahmanna hnuaia Tho Law Dir Tuah (Stand Up Lawngtlai) hnuaiah hmalakna bultan chhoh mek a ni.

Lawngtlai khawpuiin kawng hrang hranga hmasawna hmel a hmuh theih nan a hmalakna liantak, District Administration leh Lai Autonomous District Council bakah Village Council leh Tlawmngai pawl te, Chanchinbumite tanhona tur a ruahman, Tho Law Dir Tuah hnuaiah Lawngtlai khawpuiin Faina, Thianghlimna, Mawina leh inrelbawlna felfai zawk a neih theih nan beihpui thlak chhoh tan a ni a...

May 1 atang khan kawngpui kama lirthei dah te chu Village Level Parking Monitoring Committee ten an huamchhung theuh ah endikin, LADC in zankhua a dan lova lirthei, kawng kama dahte chawitir tura a bithliah zat an chawitir tan, heihian kawng kama hnawksak taka lirthei dah thin a tihziaawm chhoh beisei a ni.

Lawngtlai a Veng hrang hrangte, Veng kawtchhuah theuhvah chhinchhiah tar turin ruahman a ni a, khawpui paltlang kawngpui dung ah kawngchhuata dah chi eng phum vek tum niin, khawpui huamchhungah Thutchawlhna tam zawk siamte, Bawlhhlawh paihnan a hman thinte chu Bawlhhlawh awmlohna tura hmalakte chu tun dinhmunah hmalakna langsar zual a ni mek.,

Lawngtlai Bawrhsap Pu Donny Lalruatsanga chuan Stand Up Lawngtlai hnuaiah mitin ten phur taka ke an penna atangin Lawngtlai khawpui chuan hmelther a hmuh thuai a beiseiawm hle a ti a, LADC a CEM Pu C.Lalsawmzuala paw'n tanrualna chuan rahtha a chhuah ngei a beisei thu a lo sawi tawh bawk.