.jpg)
April 29 khan LADC Day lawm a ni a, CEM chuan Social Media lamah LADC chhunga awm nisi, LADC dahniam leh hmusit leh entleu theih zawnga eng eng emaw thehdarh thin an awm fo chu veitham a tlinthu leh hengmite hian mahni mawng an hlim a ni tih hriase a duh thu a sawi a nih kha.
CEM hian ngaimawhtur dik a ngaimawha, LADC hian hmangaihtu dang tak tak, a chhung amite lo chu a neihloh thu a sawite, intodelh tura tanlak a ngai nasatzia a sawite khan CEM hian thlirdan dikin a tarmit a herrem tih a chiang.
A bikin Social Media ah mahni awmna ram leh khawtlang, Kohhran leh Tlawmngaipawl sawichhe thin, a thatna tura tangkaina neih chu sawiloh, awmhmun atangin thurawn laktlak nei miah silo kan tam ta lutuk hian nunhona a tichhiaa, LADC hi chhungkua anga kan awmkhawmna a ni a, mahni chhungkaw chanchin a fellolai leh zeldinna nen pholangfo thinte hi chhungkaw Member thatak an nitheilo hrim hrim.
Chhungkuah chuan felkimlo leh buarchuar lai deuhte pawh a awmthei e, chhungkuaah siamthat mai hi mifing zia a ni a, chhungkaw chanchin, midang hriata tlangaupui thinte hi khawkhat parawn an nih a rinawm loh.
Hawh u, mahni mawng i hlim tawhlo teh ang u, kan duhsam leh beisei ang diak diak hi kan ram hian minpe theilo tih pawm ila, kan ramin malsawmna tamtak minpek te hi hmuthiam chungin, he ram tan hian enge kan tihve theih tih inzawt nawn fo teh ang u.