Vawiin khan I&PR Director Pi K. Vanlalsangi chuan District Information & Public Relations Office, Lawngtlai a tlawh a. Pu Zonunchama Ralte, DIPRO, Lawngtlai, leh Staff- te bakah Mizoram Journalist Association (MJA), Lawngtlai, ten an lo dawngsawng.
Pi K. Vanlalsangi chuan DIPRO, Lawngtlai leh MJA, Lawngtlai te inkar a thawhhona tha tak awm thin chu lawmawm a tih thu sawiin, hmalam hunah pawh thawhhona tha zawk nei zel turin a chah a. Sawrkar thuchhuak dik taka thehdarh bakah department - te hmalakna hrang hrang puanzar kawngah DIPRO Office chuan mawhphurhna an nei lian hle tih sawiin, sawrkar rintlaka thawk thin turin a chah a. MJA leh I&PR- te chu ram leh mipuite tana thawkho, inngheng tlat an nih angin, ram leh mipuite tana thawkho zel tura fuihin, thuthar thehdarh leh sawrkar hmalakna puanzar kawngah District - mipuite tan a theihtawp chhuah zel turin a sawm.
MJA, Lawngtlai chuan I&PR Director in Lawngtlai a tlawh thei chu lawmawm an tih thu an sawi a, heihian rahtha a chhuah ngei an beisei tih an sawi a. MJA leh I&PR chu kawng engkima thawkho tlat an nih thu sawiin, sawrkar thuchhuak, hmalakna leh mipuite hriat tur pawimawh thehdarh kawngah theihtawp an chhuah tlan thin thu an sawi a. Ram leh hnam siam that kawngah MJA leh I& PR chuan mawhphurhna lian tak an nei tih sawiin, hma lam hunah thahnem ngai taka an thawhdun zel tur thu an sawi.
Pi K. Vanalsangi hian DIPRO Office Lawngtlai hmunhma leh Buliding - te a enfiah a, chawhnu lam khan Lawngtlai chhuahsanin Siaha a pan.
Tags
News