Lai Autonomous District Council a Chief Executive Member Pu C.Lalsawmzuala chuan Lawngtlai District MJA ten LADC a Information Department in hma a sawn theih nana theihtawp an chhuahpuina ah lawmthu a sawi.
Vawiina amah hmutu MJA Lawngtlai District hruaitute chu CEM chuan LADC Sorkarin hma a sawntheih nana kawng hrang hranga theihtawp an chhuah thin chu hlu a tih thu sawiin, chhunzawmzel turin a ngen a, Chanchinbumiten Sorkar khalhngil a ngaihna ah theihtawp an chhuah chuan awmzia a neithuiin, Sorkar leh mipui inkara palai hna thawktuten an hna tlintaka an thawhna ah hmasawnna a awm thin a ti.
Chanchinbumite zawhna chhangin CEM chuan tunhnaia Aizawla a zinna ah Mizoram Sorkar chuan VC lawmman indaihlohna cheng Nuai 33 chuang a lo pe tih sawiin, Mizoram Sorkar chungah lawmthu a sawi.
Chief Executive Member hi LADC a Information and Public Relations enkawltu Pu Lalropuia Chinzah leh I&PRO Pu C.Lawmsangzuala ten an tawiawm.
Tags
News