Bawrhsap hovin Tho Law Dir Tuah (Stand up Lawngtlai )Committee an thukhawm.

Lawngtlai khawpuiin kawng hrang hranga hmelthar hmua, hmasawnna nasa zawk a neihtheih nan a hmalakna kalpui mek, Tho Law Dir Tuah (Stand Up Lawngtlai) hnuaia Traffic Enforcement Task Force & Clean Lawngtlai Committee chu vawiin khan Lawngtlai Bawrhsap, Pu Donny Lalruatsanga hovin, a Chamber ah an thukhawm.

Lirthei dahdan felfai zawk a awmtheih nan LADC in ruahmanna a siam angin zankhuaa kawngkama Lirthei dahte chu Village Level Traffic Management Committee hmalaknain chawitir an ni tawh tih LADC a Transport Officer, Pu HC Vanlalruatpuia chuan sawiin, Parking leh No Parking pawh mumaltakin tihfel a ni tawh a ti.

LADC a Sanitation Officer Pu C.Lawmsangzuala chuan khawpui cheinan a hmalakna hrang sawiin, kawng intawhkhawmna (Junction) chei mek a nih thu leh cheitur ruahmanna mek a nih thu leh Zero Waste Corner pawh buaipui mek a nih thu a sawi.

Bawrhsap Pu Donny Lalruatsanga chuan kawng hrang hranga hmalakna vangin Stand up Lawngtlai hnuaiah hmalakna a tha zawngin hmuhtur a awm chho tan chu lawmawm a tih thu sawiin, tanhona tha zawk nen theihtawp chhuahzel turin Member te a sawm.

LADC a Executive Secretary Pu K.Lalthanzara chuan Lawngtlai khawpui hmasawnna atana hmalakna hrang hrangah, LADC chuan a tihtheih chin ah theihtawp a chhuahzel tur thu a sawi.