.jpg)
MBSE chuan a hnuaia Exam neihah Top-10 a langte a hranin a tarlang tawh lova, heihian sawizui a hlawhin, Zirlaiten thiamna tak tak an neih beiseina vangte, Result neihthat ringawt tumna aia thiamna tak tak an neih nan a tanlakna atan thiltha tak tur ni a sawi a ni.
Kohhran tamtak chuan kumkhat chhunga Pathian hnen a Sawma pakhat pekdan, pektamdan indawt angte pawh tih chuak an awm thin ni a sawi a awm bawk.
Enghi nge thaber, eng hi nge tha lemlo tih erawh chuti maia thliar fel zung zung theih a ni lova, a tehtu leh ngaihdan herremtuin a herdan a zirin ngaihdan a danglam thei.
Zirna bikah hian Downtown English School Principal chuan Result siamdan hluiah kha chuan thiamna tak tak aiin Zirna In ten an Naupangten Result tha an neih theih nan intlansiakna a nasaa, tuna kaldanah hi chuan Naupangin thiamna tak tak neiin an zirlai an zirtheih nan kaihhruai a remchang niin a sawi a. a dik ngawtin a rinawm.
Pathian hnena thilpek nen sawizawm rem lutuk nilo mahse, Malsawmna kan dawn hi intihsiakna a hmantheih ang ziazanga, kum tawpa mitin hmuhtheih a Thawhlawm thawhzat tarlan hi Malsawmna Petu duhdan a ni angem?
MBSE in Naupangten thiamna tak tak an neih theih nan Intlansiakna thalo lama hruaithei a nuaibo mek lai hian, Kohhran lam pawn tihtur a neiin kan hria em?