.jpg)
Lawngtlai khawpui ah hian Meta AI chuan Chhiarpui hnuhnung angin In 4500 chuang awm angin a tarlang a, hei ai chuan a tamtur ah ngai ila, hetatang hian mihring chengzat tur awmang pawh a rinzawn theih awm e.
Lawngtlai khawpui hi khawpui lian tak, dan leh thupek pawh lekkawh harsa khawpa mihring tamna a nilo tih erawh a chiang a, hetichung hian khawpui chetveldan hi a buarchuar riau a alan chang a awm thin.
Hmanzan lawka DC leh CEM ten Overnight Parking an enfiah tum khan, khawpui chhungah ngaimawh thama Lirthei dah an tam lo khawp mai, khakhan, dan zawm lamah mipui an khirh lova, inkaihhruaina leh kawngtha inkawhhmuhna ah a chhunga chengte hi enkawl nuam tawk chauh a la ni tih a tifiahin a hriat.
Khawpui chhunga Lirthei Horn han hmet maite, rem leh rem lova midang tlanpel te, Bawlhhlawh a paihnatur nilova paih maite hi mitamtak an nilo, khawpuia chengte kan la tamtham lutuk loh vangin heng nunphung pangngai zawhlote pawh hi an langsar hma viau thin.
Khawpui inrelbawlna tha neitur chuan neitu rilrupu mai nilo, neitu nihna atanga a taka chetchhuahna a pawimawha, tlawmngaih chhuaha mahni tawka chetchhuah a sawt viau rualin, an tha tichak theihtur behchhan neia chet erawh a fuhber tih Overnight Parking lama hmalakna ah pawh a lang chiangin a hriat.
Lawngtlai khawpui a chengte hi Dan zawm lama inthurual tawk vel chauh kan la ni, hawh u, kan khawpui hi hmangaihna tak tak nen i enkawl teh ang u, hma kan sawn duak duak mai ang.