Vawiin chhun khan Aizawla chammek, LADC Chief Executive Member (CEM) Pu C. Lalsawmzuala chuan Mizoram PHE Department hotute hmuin, Lawngtlai tana pawimawh em em Sludge Treatment Plan siam chungchang a sawipui.
CEM hian PHED Superintending Engineer Er. Helen Rodingliani leh Er.Mangliandinga Executive Engineer-te chu an pisaah hmuin, Lawngtlai khawpui hmasawnna leh hriselna atana thil pawimawh tak, bawlhhlawh tawp leh thli (septage) sawngbawlna tura ruahmanna kalpui mek chungchang an sawiho.
He hunah hian CEM chuan LADC-in he treatment plant siamna tur hian hmun pawimawh leh remchang (land identification) a zawn mek thu a sawi a. Mizoram sorkarin zun leh ek leh bawlhhlawh laka kan lui leh tuihna te venhimna tura Modernized Sludge and Septage Management Framework a kalpui mekah LADC pawhin theih tawp chhuah a inhuam thu leh, mamawh leh tul dangah pawh PHED nen thawkho zel tura an inpeih reng thu, PHED hotute hi a hrilh a, Er.Lalnunfela E.E, PHED, Lawngtlai WATSAN Division chuan Sorkar hmalakna tipuitling turin LADC chu kawng hrang hrangah thawhpuiin, Council chungah rinna nasatak a nei chu CEM chuan an lawm hle tih, PHED hotute hi a hrilh bawk.
Mizoram PHED chuan tunah hian khawpui leh thingtlang hmasawnna atan kalsiam thar (modernized framework) an kalpui mek a. He ruahmanna hian kan lui leh tuihna te tibawlhhlawh lovin, khawpui hrisel leh fai siam a tum a ni.