Pu C. Ngunlianchunga, MLA in Chin National Day vawi 78 na a hmanpui.

Chin National Day vawi - 78 na chu KV Multipurpose, Durtlang ah Mizoram a cheng Chin miten ropui takin an lawm. He hun ah hian Lawngtlai West Bialtu MLA Pu C. Ngunlianchunga chuan  khuallian niin  a hmanpui  

Pu C. Ngunlianchunga chuan kan pipu hun ațang tawhin Chin State leh a pawnah hian ram zau tak kan nei a. Chu ram zau tak chu a belhkhawmin East Chinland an ti a. Chutiang a ralmuang taka in khawsak laiin Sipai Sorkar(Junta) avangin Myanmar a buai a, khawvel hmun hrang hrang ah in awm darh alo tul a, khawi hmun ah pawh awm ula kan chhuahna ram, tu nge kan nih tih hi kan hriat reng hi a tha ani. Mizoram ah pawh Chin kan unaute mi tam tak in awm a, inlungrualna nen inhmangaihna nen cheng ho ila, Chibil, Hnam bil ah buai lovin Chhulkhat chhuak vek kan nihna ah lungawi thiam ila, hahdam takin cheng ho zel ila tih hi ka duh ani" ati.

Chin National Day hi February 20, 1948-a General Assembly of Chinland hriatrengna atan hman a ni a, Myanmar chhim lama Chin hnam peng hrang hrang ten an hnam ziarang leh an inpumkhatna lawmna ni ah an hmang thin ani. Vawiina Chin National Day hmanna  hi ZORO, MSU leh LSA hruaitu ten an telpui bawk.