NOTIFICATION
(The 15/Jan/2026)
No.V.11012/10/2021-LADC/LAD: Lai Autonomous District Council Area chhunga ram kang vennan Lo/Huan hal turte tan District Level Fire Prevention Committee thurel angin, Local Administration Department, Lai Autonomous District Council chuan ahnuaia tarlan ang hian thupek a chhuah a ni.
1. Dt.15th February, 2026 aia tlai lovah Leipui/Huan hal vek tur a ni.
2. Dt.15.3.2026 aia tlai lovah Lo hal vek tur a ni.
3. Village Council tin Area Lo/Leipui neituten an Lo/ Leipui leh huan bak ram dang tikang lo tura meilam sialin kangmei an veng tur a ni. Meilam sial hmasa lova, Lo hal phal a ni lo.Mahni Village Council area pawn lama Lo hal tur neite chuan ram an neihna khua ten an hal niah, an hal ve tur a ni ang. Wild life Sanctuary chhehvel khua ten ngaih pawimawh leh zual tur a ni ang.
4. Meilam sial thatloh vanga lo hal a, ramdang tihkan anih chuan, The Pawi Autonomous District Council (Jhum Regulation) Act, 1983, section -7(2) in a sawi angin ram tikang Village Council te hremna pek a ni ang.
5. Mi tumahin Village Council te hriattir lohin Lo an hal tur a ni lo. He thupek ngai pawimawh lova, ram tikangte chu, the LAD(VC/s) Act 2010, Section 12(16) in Village Council te thuneihna apek angin ram tikangtu an hrem thei ang.
6. Road Side Plantation a kan thin avangin kawng bula thing phunte a kan loh nan mahni Village Council Area theuhah a venna hna hi thawh tur a ni a, 24ft tal meilam sial tur a ni.
7. Kangmei ven kawnga hmala tha zual khuate tan, a tul anga lawmman siamsak an ni ang.
Sd/- C. Lalrinzuala
Local Administrative Officer,
Lai Autonomous District Council,
I&PR (LADC) No.109 Lawngtlai.