.jpg)
Nikum December Ni 9 a LADC Inthlanpui Result chhiar a ni a , Party mala Sorkarna siamthei an awm lova, Sorkar intawm siam tuma hmalakna pawh he thu ziaklai thleng hi chuan a la hlawhtlinglo.
Sorkar a buai lova, buaitur pawn Sorkar a la dinglo hrim hrima, tandun tuma Sorkarna siam,thei ten Sorkar siam an tumna chu dangbettu an awm emaw tihmai turin Sorkar piang maitura ngaihna chuan a chhan mumal leh mawhpuhturber hre mumal lovin mipui a awmtira, Council hlutna pawh mipui lamin an benghniam nilovin, a hniam ta riaua ngaihna pawh a lian viau tawh.
Sorkar piang hleitheilo chungchangah hian LADC huamchhung a ni emaw, State huap a ni emaw, khawi atang mahin Sorkar ding thuai thuai se ti a thawm lian taka nei hriattur a awm lem lova, mipakhat in a hming a ziah hnan hun chu kan tawngpawng nghah niber in a hriat.
Party Politics kan sawi lova, Sorkarna siamthei an awm chuan Sorkar hi piang mai sela, Sorkarna siamthei awm reng siin CEM tellovin Krismas leh kumthar kan hmanga, CEM awmlo bawkin Republic Day hi kan hmang mai awm mange. Tute emaw an telve hram dan kawng dappuite pawh Politics huangah a leng vek a, mawitakin kalpui theih a nih a rinawm.
Democracy hi a huam a zauvin pawhfan theihna lai a tamin, ADC te enkawlna ah phei chuan thutawp siamtheitu thuneihna a lian a, dan hnuaiah tho, mipuiin dan in a phal tih hretho si a, an pawmzam hleihtheih siloh a awm tih a chiang.
Humhim ngai leh auchhuah ngai leh tul tihna hi engtikahnge a len dawn a, eng hun hi nge Council thlavang hauh hun tih pawh hriatthiam a har ta a ni ber awm e.