.jpg)
Traffic jam karah Horn ri kan hre fo thin em ? Midang tan hnawksak taka Lirthei dah kan hmu fo em ? Hawihhawmna tlachham fe fe Driver an tam tual tual em ? Khawpui chhungah lirthei chak tak taka tlan kan hmu fo em?
Heihi Lawngtlai Traffic a ni, a nihna ang tak hian pawm a hahdam lova, neitu rilrupu tan chuan a thawpik khawp ang.
Khawpui a thanga Lirthei a punga, sumdawnnain khawpui a luhchilha,Traffic tawt tak tak te hi hmasawnnain a kentel a ni a, thil lawmawm lam a ni.
Traffic Police kutah thil zawng zawng kan dah hian, an nin an enkawl senglo tih a chiang. A huangtau leh pawisak neilo apiangte zalenna ah Lawngtlai hi a chang chho mek si. Lawngtlai khawpui Traffic System hian kalphungthar a mamawh takzet.
Mangantawpah khawnge CYLA te kan tifo thin, YLA rintlakzia lanfiahna a ni a, thil lawmawm lam ah ngai ila. Lawngtlai khawpui Traffic hi chhunzan zawma vil ngai a ni chho tawh, CYLA hian Road Protection Squad din tawp maisela, Sorkar nen tangkawpin tuna khawpui nihphung hi chu reiloteah a her danglam ngei ngeiin a rinawm.
Anihloh pawn, Village Council lam hian an huamchhungah, helam hawia hmalatur, enkawltur hi chhawr tawp maise a duhawm hialin a hriat.
Sorkar tihtura kan dahvek chuan kan nghak khawtlai mai mai thei.
Engtin emaw tal chuan Lawngtlai Traffic System hian ataka veia thathawh a mamawhin a hriat.