Polling Party ten Lawngtlai an thlengkim tawh. Vote 83.99% a tla.

Nimina Lai Autonomous District Council Inthlanpui neih ah Vote 83.99% a tla a, Inthlanna buaipuitu ten  tukin zing khan Lawngtlai an thlengkim.

LADC Inthlanpui ah Vote nei 56,873 awmin, nimin a Inthlanpui neih ah Vote 47,769 a tla a, boruak nuamtak hnuaiah mipui ten vote an thlak a, Vote thlak zawh hnu ah Inthlanna buaipuitu ten Inthlanna hmanrua te a dahna tur hmun Government Lawngtlai College panpui nghalin, tukin zing dar 4 khan Polling Party ten tluang takin Lawngtlai an thleng kima, Inthlanna hmanrua te hi Pindan awmkhauh ah venhimna khauhtak hnuai ah dah niin, karleh Thawhlehni December 9 zing dar 8 atangin Vote chhiar a ni ang.

Tuntum LADC Inthlanpui neih ah  M.Kawnpui biala Fangfarlui chu Vote tlak thatna ber niin Vote nei  217 ah 214 in Vote an thlak a, Vote tla hi 98.62% a tla a, Lawngtlai Chandmary biala Chandmary North-I, Vote 836 awmna ah Vote 594 tlain, Vote tla hi 71.05% niin Polling Station a Vote tlak chhiatna ber a ni.

MDC bial 25 ah  Sakeilui bial ah Vote 94.59% tlain Vote tlak thatna ber bial niin, Vote 73.54% tlakna Lawngtlai Chandmary bial chu Vote tlak chhiatna ber a ni thung.