Lai Autonomous District Council, LADC, hnuaia 12th Member of District Council, MDC, inthlanpui 2025 - lo awm tur atan a inbuatsaihna kal zelah vawiin khan Pu Donny Lalruatsanga, District Election Officer, kaihhruaiin DC Conference Hall-ah Mizoram Peoples' Forum, MPF, Lawngtlai District Forum - hruaitute leh Election Agent- te an thukhawm
Pu Donny Lalruatsanga chuan dik tak leh tha taka inthlanna awm turin MPF - te an pawimawh hle tiin, thawhhona tha a awm zel a beisei thu a sawi a. Inthlannaah MPF - ten theihtawp chhuahtura hma an la chu fakawm a tih thu sawiin, rah tha a chhuah ngei ang a ti . Inthlan kaihhnawiha Model Code of Conduct kenkawh kawngah MPF - te an pawimawh hle a, an hmalak thinna vangin Inthlanna boruak nuam tak hmun tamtakah neih a lo ni tawh a ti.
MPF hruaitute pawn hmalakna an tum hrang hrangte he hun ah hian sawiin, hemi hnu hian Lawngtlai Press Club ah Thuthar thehdarhtute an kawm a, Dr. LH.Lalpekhlua, President, MPF, Lawngtlai District Forum chuan LADC mipuite, Pathian rawn chhunga Inthlanpui hmachhawn tura sawmin, tawngtaina nen ram hruaitu dila, chunglam duhdana inthlanna kalpui a nihtheih nan theihtawp chhuah turin a sawm.
MPF Secretary Rev Zion Varmawia Fanchun chuan MPF chuan hmalakna tur hrang hrang an duang tih sawiin, chung zingah chuan Sum leh therhlo hmanga midang thlem an duhloh thu te, Candidate leh Party ten an tihhlawhtlin theihloh tur intiam lose an duh thu te, Vote thlak tura inphurhkhawm tha an tihloh thute, inthlanna thianghlim a awmtheih nan Campaign nan hmanrua thalo hmanglo tura an duh thu te a tel.
LADC huam chhunga MDC Constituency hmunpui theuh tal tlawhchhuah an tum thute, Inthlan thuchah an siam, zau zawka puanzar an tum thute pawh Chanchinbumite an kawmna ah hian MPF hruaitute chuan an sawilang tel.
Tags
News