December 3, 2025 a Lai Autonomous District Council Inthlanpui neihtur ah chuhtumte tan vawiin dar 3 thleng kha hming pekluh theih a ni a, hriattheih chin ah bial 25 ah chuhtuma hming pelut 82 an awm.
LADC a Chief Executive Member nilai Pu N.Zangura chu BJP atangin a bial ngai M.Kawnpui ah a ding dawn a, LADC a Chairman Pu VL Hmuaka pawh a bial ngai Lawngtlai Vengpui ah MNF Party atangin a ding dawn a, MPCC a Vice President, Lawngtlai West bialtu MLA, Pu C.Ngunlianchunga chuan Congress atangin Lawngtlai Vengpui biala dingturin hming a pelut a, Pu C.Ngunlianchunga chuan Congress an Sorkarloh apiangin LADC ah Sorkar a buai thin ni a sawiin, Vengpui bial mipui ten an koh nasat vangin MLA nichunga MDC chuh tumta a nih thi a sawi.
LADC a CEM lo ni tawh, ZPM atanga Ticket changlo Pu V.Zirsanga chu Independent in a bial ngai Paithar ah a ding dawn a, CEM lo ni tawh tho Pu T.Zakunga pawn a bial ngai Vawmbuk bial chuh tumin hming a pelut.
Hmingpelut zingah Hmeichhe awmchhun BJP, Lai District President Pi Lalhruaitluangi Vandir chuan Chawngte 'P' bial ah a hming a pelut.
Inthlanna chumtuma hming pekluhte hi vawiin tlai khan endikzui niin, hmingpelut, inhnukdawk duhte tan November 17, chhun dar 12 thleng hun hawn a ni.
Hriattheih chin ah ZPM chuan bial awm zawng zawng bial 25 an chuhkim dawn a, MNF in bial 20, Indian National Congress in bial 14, BJP in bial 10 ah Candidate an nei dawna, Independent a chuhtum hming pelut 13 an awm bawk.
Tags
News