Lai Autonomous District Council, inthlanpui kumin December 3 a neihturah chuhtum, inhnukdawkduh tana huntawp, vawiin chhun dar 12 thleng in mipahnih an in hnukdawka, tihian LADC Inthlanpui neihtur ah Candidate 80 an awm.
Sangau West atanga Independent a chuhtuma hmingpe, Pu C.Lallungmuana leh Paithar bial atanga Independent thova chuhtum Pu J.Thangkhuma te chu an inhnukdawka, tihian LADC inthlanpui neihturah bial 25 ah Candidate 80 an awm.
MDC bial 25 ah Candidate pahnih awmna bial paruk awmin, heng bial ruk zinga bial hnih, Sangau East leh Sangau West chu BJP leh ZPM inmalbeihna tur niin bial dang pali, Sangau South, Lungtian, Bualpui West leh Lawngtlai-III te chu MNF leh ZPM in malbeihna tur a ni, Candidate pathum awmna bial sawmpakhat a awma, Candidate pathumna awmna bial te chu Cheural, Lungpher South, Vawmbuk, Lawngtlai Bazar, Lawngtlai Vengpui, Council Veng, Lawngtlai AOC, Chandmary, Pathar Diltlang South leh Sekulh te niin, College Veng, Sakeilui, M.Kawnpui, Tuithumhnar leh Vathuampui te chu Candidate pali awmna niin, Bualpui East, Chawngte ‘P’ leh Bungtlang South te chu Candidate panga awmna a ni.
Inthlanna tluangtaka neih a nihtheih nan Election Office lam chuan atahtawlin buaipui ngai, chhun zan zawmin an buaipui a, mawhphurhna nei hrang hrangte pawh an mawhphurhna thtaka an hlen theih nan Training neihpui thin an ni.