 |
| The Lawngtlai Post |
Mizoram Sorkar hmalakna hnuai ah, rampawn atanga ruihhlo luttur danchah beihpuithlakna Operation Jericho chu Lawngtlai District ah pawh theihtawp chhuahin kalpui mek a ni.
Lawngtlai Bawrhsap, Pu Donny Lalruatsanga hovin Operation Jericho kalpui dantur hi mumaltakin duan a ni a, tunthla Ni 13 atang khan beihpui thlak hi kalpui tan niin, kumin December 31 thleng a awh ang.
Lawngtlai District hi Myanmar nen ramri Kilometres 57, Bangladesh nen ramri Kilometres 148 intawm a nih vangin ramdang atanga ruihhloluttur dangchat tura beihpuithlakna hi a hautakin, nasa zawka tanlak a ngai a, ruahman lawk dan chuan Lawngtlai khawpui luhka hmun hnih ah Check Post pahnih siam niin, Pangkhua leh Sangau inkar bak ah Siachangkawn ah Check Post ruahman a ni a, heng hmun hrang hrangah hian Police, Excise leh Tlawmngaipawl aiawh ten ngawrh zawkin ruihhlo luttur dangchat tur hian hmalak chhunzawmzel an tum.
Ruihhloin MIzoram a runmek lai hian Operation Jericho chuan nasatakin awmzia a neih beisei a ni a, Lawngtlai District a he beihpui thlakna ah hian Lirthei kalvelte chu uluk takin enfiah thin an ni.
Tags
News