Lawngtlai Bawrhsap ruahmannain Veng dangte entawntura Chawnhu siamtura hmalakna My Village, My World chu vawiin khan puanzar ani.

Vawiin chawhnu khan Lawngtlai Bawrhsap Pu Donny Lalruatsanga chuan Chawnhu veng, veng dang ten an entawn theih nan ruahmanna a siam, My Village, My World chu a puangzar.

Lawngtlai Bawrhsap Pu Donny Lalruatsanga chuan kawng hrang hrangah Chawnhu chu Veng dangten an entawn tura siamturin tanrualna tha a pawimawh tih sawiin, theihtawpa an tanho chuan, Veng nuam, Veng Fai, inrelbawlna tha, kawng hrang hrangah entawn turin an siam theih ngei a beisei thu a sawi.

Vawiina My Village, My World puanzarah na ah hian Chawnhu khawtlang a hruaitute, Kohhran aiawhte chuan Bawrhsap in ruahmanna a neih hrang hrangte an sawi hova, hmalakna atan sulsutu tur Committee dinin, hmalakna tur hrang hrangte an sawi hova,  Faina, Ran khuahkhirh, Faina leh  Ruihhlo laka veng chhung fihlim tur a tihtur hmasa leh bawhzuitur pawimawh te inhrilhfiahin sawiho a ni.

He huna tel Chawnhu khawtlanga VC, NGO hrang hrang, Kohhran hruaitute te chuan My Village, My World Inkaihhruaina chu  chhungkaw tinah sem theih tur a siam nise, thlatin Committee in veng chhung hmasawnna tur hmalakna thlirho thìn ni se, Veng chhung hmun pawimawh te hriat zung zung a nih theih nan chhinchhiahna tar nise an ti a, Veng chhung kawngpui tihzauh te, siderain khuhna mamawh a nih thu te leh Thingphun uar te chu hmalakna ah telse an ti.

Chanwhu chu midang ten an entawn tham leh entawn tlaka siam turin VC ,Tlawmngai pawl , Kohhran leh chhungkaw tin te tanghovin theihtawp chhuah nise an ti.