 |
| The Lawngtlai Post |
Food Civil Supplies & Consumer Affairs Department chuan, Ration Card a hming chuangte, e-KYC la tifelloten harsatna an tawh sukiang turin theihtawp chhuahin hma a la mek a, Lawngtlai District a e-KYC tihfel nana tangkaitak, Mit naute enna (Iris Scanner) chu Retailer te hnen ah semchhuah chhunzawm niin, a kawlturte hnen ah pekkim an ni tawh.
Tunkar Thawhlehni atang khan DCSO, Lawngtlai hnuaia Fair Price Shop enkawltu te hnen ah Iris Scanner hi semchhuah niin, BDO, Lawngtlai Conference Hall ah hun hmanna hi Pu Lianchhuma Chinzah DCSO hova neih niin, DCSO chuan khua leh tui diktak, Ration Card a hming chuang ten an chanvotur diktak an dawn theih nan e-KYC chu tih ngei ngei ngai a ni tih sawiin, EPOS Machine a Kutzungpui thla hmuhtheihloh engemawzat la awm te chu Iris Scanner (Mit naute enna) hmangin e-KYC Update a theih tih sawiin, Retailer te chu an huamchhungah theihtawp chhuahturin a chah.
 |
| The Lawngtlai Post |
Iris Scanner semrual hian a hmandantur kimchang takin Retailer te chu zirtir nghal an ni a, Iris Scanner hi September 25, 2025 khan Food Civil Supplies & Consumer Affairs Department Director Pi Saizikpuii hovin Lawngtlai District ah semchhuah tan a niin, hemi Ni hian Retailer 35 hnen ah sem a ni a, tunkar a semchhuah chhunzawm hi, Centre sawm (10) a Retailer 104 te chantur niin, Sangau, Lungtian, Bualpui NG, Lungpher, Vawmbuk centre hnuaia retailer 30 leh Diltlang, Bungtlang South, Vathuampui, Tuithumhnar, Vaseikai leh Damdep Centre hnuaia retailer 74 te chu Iris Scanner hi a hmandan zirtirin an kawltur pek nghal an ni.