.jpg)
Tuhnai mai khan Lawngtlai Traffic Police pakhatin tihtakzetin, a hna nuamti taka a thawklai Video a darh nasa a, Social Media lam ah he Traffic Police hian fak a hlawh nasa a, mahni hna a tui, mahni hna hrechiang, mahni hna nuamti taka thawklai hmuh hi a nuam a, nih hlawh nilo, thawhhlawh la tlak niin a hriat.
Lawngtlai a Traffic flow hian sawisel a hlawh nasa a, Traffic Police an tlem bawk si, an viltur area a zau viau bawk si, Lirthei khalhtu leh neitute lah inthlahdah chang a lo awm ve bawk nen, khawpui dung chu Lirthei tan tlan hrehawm tak a nih chang a awm a, Traffic flow mumal taka siamtur hian Traffic Police tel lemlo pawn hmun engemawzat hi chu Lirthei khalhtute leh neitu te hian midang zahna nei sela chuan thil harsa niin a lang lo.
He Traffic Police hian a hna a thawka, faktlak pawh a ni ngei ang. Midang fak duhna lamah midang tlinlohna lam hrut tel chiam chiam hi mipuitling zia a nilova, Lawngtlai Traffic Police te hian dan hi a nihna angin lekkawhse, a zolotur chu mipui lam an nih a rinawm a, chutihrualin, tihdan phung leh mahni hna thawh thiamdan leh thawh thindan a inang diak diak theilo, an hna hi an phak tawkah rim takin an thawk theuh tih hi pawm ila, an hna thawk thalo se mipui lam aiin an mahni viltu an hotuten hma an la ngei ngei ang.
Engpawhnise, mahni hna nuamtui taka thawktute hmel hmuh hi a nuam a, Lawngtlai Traffic flow siamtha tur hian Traffic Police kutah engkim a awm biklova, kan vaia mawhphurhna ni.