Vawiin chawhnu khan Central Young Lai Association Office sakthar chu Lawngtlai West bialtu MLA, Pu C.Ngunlianchunga'n a hawng
Central YLA Office thar hawnna hi Pu F.Lalrothanga President Central YLA chuan kaihhruaiin, Lawngtlai West bialtu MLA Pu C.Ngunlianchunga chuan YLA Kum 50na puala Office tha leh changtlungtak neih a ni chu lawmawm a tihthu sawiin, YLA Member te duhsakna hlanin, YLA innghahna ram leh hnam tana thawka, chanhaite tan pa nizel turin a chah a, Laifate inlungrualna leh huapkimtu chu Young Lai Association a ni tih Pu C.Ngunlianchunga chuan sawiin, YLA chu pawl thianghlim a nihna a vawnnun reng chu chhawmnun deuh deuh a duh thu a sawi.
Hma kan sawn rualin sualna a pungzela, ruihhloin kan nun a tichhe nasa, a dona ah YLA in theihtawp a chhuah chu a thlamuanthlaka, YLA kutah dah mailovin, a rampum anga kan do a ngai, ruihhlo hi kan ram leh hnam tlukchhiatna atan hmanraw ṭhatak a ni mek a ti a, hetiang khawpa ruihhlo mantur atam hi thawktute an fakawm rualin, manloh engzatnge awm ang tih ngaihtuah a ngai a ti bawk.
Mahni hmasialna leh kuttling lova hausak duhna a nasaa, heihi hnam tan hmelma a ni a ti a, LADC Sorkar dinhmun enin kan hun tawnmek hi a duhawmloh tih Pu C.Ngunlianchunga chuan sawiin, Politician te chauh nilovin, kan vaia kan thanharh a hun a ni a ti.
Central YLA General Secretary Pu JH Lalrindika chuan report tlangpui pein, Central YLA in Office thatak a neihtheih nan a mininpe leh inphalte chungah lawmthu a sawi a, Central YLA Office hawnna ah hian Lawngtlai a Tlawmngaipawl hrang hrang hruaitute, ram hruaitute leh Central YLA hruaitu lonitawh te an tel.
Central YLA Office hi Office hlui awmna Lawngtlai a LADC Office bulah sakthat niin, cheng nuai 50 senral tawh niin, a dung feet 70 a vang feet 24 niin, kawngpuian chu Office atan hmany niin, Office chung chu Conference Hall leh Library niin, a hnuaiber chu Office enkawltu chenna atan ruahman a ni.