LIKBK Central Thalai Pawl ten Environment humhalh nan Thing phun beihpui an thlak chhunzawm.

Lairam Isua Krista Baptist Kohhran, Central Thalai Pawl chuan Environment humhalh nan kum nga chhungin Thing tiak 10,000 (Singkhat) phun a enkawlzui tura ruahmanna an siam chu an kalpui mek a, tun dinhmun ah Thingtiak 5000 vel an phun tawh a, kum 2027 ral hmain Thigtiak singkhat phun hman an tum.

Lairam Isua Krista Baptist Kohhran chuan Environment humhalh na lam hawi inzirtir nan Green Sunday an hman thin chu kum 2019 atang khan hlawk zawka hman a nih theih nan June thla Inrinni vawi hnihna chu Green Saturday ti a vuahin, kumtin Thingtiak phun nan an hmang thin a..

LIKBK Thalai Pawl ten Environment humhalh nana hmalakna peng pakhat atan Thing phun beihpui an thlak mek chu vawiin Green Saturday hian chhunzawmin, Lawngtlai leh a chhehvel bakah Sangau Tlangdung ah te vawiin khan Thingtiak 1200 chuang an phun.

Lawngtlai khawpui chhunga Thalai Pawl UNit hrang hrang te chuan National Highway-02 (Lawngtlai leh Lunglei inkar, Lawngtlai District huamchhung kawngpui kamah Thing tiak hi an phun.

Tun dinhmun ah LIKBK   hnuai ah hian Thalai Pawl Unit 120 awmin Member singkhat vel an awm mek.