Govt Modern High School Lungtian a Mathematics zirtirtu Pu H.Lalhmingmawia, Govt Aizawl High School a sawn anih chungchangah Joint Co Ordination Committee Lungtian ten lungawilohna lantira Sorkar an nawr hnu ah Lawngtlai District chhunga Government High School, Parva zirtirtu Pu V. Lalhmangaihzuala chu Govt Modern High School Lungtian ah sawn a ni chu hriatthiam har an tih thu Parva khawtlang hruaitute chuan thuchhuah siama tarlangin, Regular Teacher an neihchhun sawnchhuah a ni chu hrethiam lova, nimin atanga Parva a Zirna In zawng zawng khar a nih hnu ah, vawiin khan Sorkar leh Joint Action Committee, Parva chuan inremna siamin, Parva khawtlangin Sorkar an nawrna pawh tihtawp a ni.
Parva khawtlang hruaitute atanga The Lawngtlai Post in thu a dawn danin District Education Officer, Lawngtlai chuan vawiin khan Parva tlawhin, JAC te nen an inkawma, Zirtirtu sawnchhuah hmunruak hnawhkhat turin, Udalthana atangin Pu Kamaleshwar Chakma chu Govt. High School, Parva ah dah a ni dawn a, heibakah hian School Education Director hriatpuina in Mathematics leh Science Teacher dah a ni bawk dawn.
An khawtlang tana hma an lakna ah anmahni thlawpa theihtawp chhuahpuitute chungah Joint Action Committee, Parva chuan lawmthu an sawi.
Tags
News