Agriculture leh a kaihhnawih Departments (Agriculture, Horticulture, AH & Veterinary, KVK, ATMA) ten Lawngtlai District chhungah Viksit Krishi Sankalp Abhiyan Campaign an nei mek.
Fehchhuah runpui neihmek ah hian kuthnathawtu ten hlawk zawka thlai, ranvulh leh sangha khawi lama hma an lak theihna turin thingtlang khaw hrang hrang ah Central leh State hmalakna (Schemes) te hrilhhriat niin, tun lai thiamna hmanga Thlai chin leh Ranvulh elkawldan te kuthnathawktute zirtir niin, hlawk zawka an kuthnathawhrah an seng theih nan an hriattur pawimawhte hrilh hriat an nihbakah loneitute nen inkawmhona huamzau takin neih thin ani.
Viksit Krishi Sankalp Abhiyan Campaign hi May 29, 2025 atangin neihtan niin June 12 thleng neihtura ruahman a ni a, Lawngtlai District chhungah Fur ruahsur vangin inkalpawhna mumallo tak hnuai ah dinhmunah khaw 61 ah Campaign nei tawhin Loneitu mi 6441 ten Campaign hi an chhim a, He Campaign ah hian Department hrang hrang te hi Team thum (3) ah in then in Loneitu ten an lo dawngsawng tha in an khaw tana an mamawh hrang hrangte Campaigner te hnen ah hian lo thlenin, Campaign a tel ten an mahni kawtkaiah ngei loneitute hmasawnna tur kawhhmuha Zirtir an ni chu lawmawm an tih thu an sawi.