Ruahtui khawl nan thing i phun ang u ( tih thupuia hmangin,vawiin khan 'Lawngtlai District Level Committee on Green Mizoram 2025' bultumin 'Green Mizoram Day' Lawngtlaiah hman a ni a.
He ni pula inkhawm tawi DC Office kawt tualzawla neih chu Pu K. Lalthanzara, Executive Secretary, LADC, chuan hun kaihruaiin, Pu Cheemala Siva Gopal Reddy, Lawngtlai bawrhsap chu khuallian ani.
Pu Cheemala Siva Gopal Reddy, chuan Green Mizoram Day- chu kum tin hman thin a nih angin, kuminah pawh rilru thar pu a, thahnem ngai taka thawkchhuak turin a chah Green Mizoram Day' puala department hrang hrang- ten thing an phun chu lawmawm a tih thu sawiin, an thingphun enkawl puitling ngei turin department hotute a chah
Pu C. Thanliana, DCF (WL) Mizoram, chuan Green Mizoram Day - puala thu intiamkamna sawiho a kaihruai a. Green Mizoram Day - hmannaah hian kangmei chhuak tur ven kawnga thawk tha khua pathum hnenah 'Village Level Fire Prevention Award 2025' hlan a ni. Lawmman hi Khuallian Pu Cheemala Siva Gopal Reddy, chuan hlanin, lawmman dawngtute chu 1. Thaltlang VC : Rs. 50,000 + Citation. 2. Ngengpuikai VC: Rs. 30,000 + Citation. 3. Sangau -II VC : Rs. 20,000 + Citation
Lawngtlaia Department hrang hrang ten thingtiak phun hnatlang an nei nghal a. National Highway 02 - Saikah 'L' leh Chawntlangpui inkar kawngpui kamah thingtiak - 390 an phuna, Thingtiak phun hi a tam zawk chu Herhse niin, Thingtiak phun te hi Environment, Forest & Climate Change Department, LADC ten an tum.
Tags
News