Kum 11 chhunga Prime Minister Narendra Modi kaihhruaina hnuaia BJP Sorkar hmalakna chungchangah vawiin khan Pu Delson Notlia, National Secretary, Minority Morcha leh Dr.K.Beichhua MLA ten Lawngtlai Press Club ah thuthar thehdarhtute an kawm.
Pu Delson Notlia chuan kum 11 chhung BJP in Sorkarna a chelh chhungin India chuan chaktakin hma a sawn tih sawiin, Hlemhletna ah Central Sorkar a fihlimin Jail tanphah leh an dinhmun hlihsak ngai an awmlo a ti a, Miretheite hnen thlengphak hmasawnna chu a takin an dawntur leh chanvo diktak MIretheiten an chang thei a ti.
Prime Minister chuan VIP Culture a tibo va, India chu khawvela Mihring tamberna ram niin, kum 2047 India in kum 100 a tlin hun ah chuan kawng hrang hranga ram hmasawnah hlankai BJP Sorkar chuan tumin beihpui a thlak mek a ni a ti.
Mizoram State Sorkar chuan BJP a thahwpuiloh vangin Mizoram tan Annual Budget bak haichhuahtheih an nei mumallo a ti bawk.
Dr.K.Beichhua, MLA chuan kum 11 chhung India chuan hmasawnna ruhrel din kawngah te, Zirna lamah te, Information Tehnology ah te hmasawnna chhuanawm tak a nei a ti a, mihringin kan mamawh bulpui hrang hrangte chu rammipui ten hnianghnar takin kan neimek tih sawiin, mirethei zawkte a thlawna buhfai pek thin pawh kum 2029 thleng chhunzawm a ni dawn a ti.
BJP hruaituten Chanchinbumite an kawmna ah hian LADC a Chief Executive Member Pu N.Zangura leh BJP Lai District President Pi Vanlalhruaii Vandir leh BJP, MDC Pu BN Thangpuia te pawh an tel.
Tags
News