Women & Child Development, District Hub for Empowerment of Women, Lawngtlai leh State Bank of India Lawngtlai Branch tangkawp buatsaihin nimin khan, Government Region Higher Secondary School, Lawngtlai ah Sorkar laipui hnuaia hmalakna inzirtirna leh inhrilhhriatna hun hman a ni.
Hmeichhia ten Bank kaltlanga hamthatna hrang hrang an neihtheihte he hun ah sawiuar deuh niin, Pradhan Mantri Suraksha Bima Yojana (PMSBY) leh Pradhan Mantri Jeevan Jyoti Bima Yojana (PMJJBY) hnuaia hamthatna awmthei, tawhsual tawhpalh te, vanduaithlak taka nunna hial chan palh pawha Bank kaltlanga hamthatna awmthei leh chu hamthatna awm chu chhawr tangkai a nih theih nana tihtur te inhrilhhriat a ni
An hun hman hi Pu James VL Dika, Gender Specialist, District Hub for Empowerment of Women Lawngtlai chuan a kaihruaia, Zirlai 430 chuang telin, Pu Lalsiam Guite, Chief Manager, SBI Lawngtlai leh Pi Ramdinpuii, Center Manager, Credit Rating Information Services of India Limited (CRISIL), Reserve Bank of India ten Zirlaite chu an tana Sorkar in hamthatna a ruahmante an zirtir bakah an nunkawng kaihhruaina atana pawimawh hrang hrangte zirtir an ni bawk.
Zawhna leh chhanna hun thawl tak neih a nih hnuin Nl. B. Lalruatchhungi, Gender Specialist, District Hub for Empowerment of Women Lawngtlai chuan Volley Ball a hlan a, Pu Z. Laldinhuala, SFL, District Hub for Empowerment of Women Lawngtlai chuan he huna tel Zirlai te chu an hmalamhun thlir chunga Sorkarin an tan ruahmanna a neihte tangkai taka hmangtura duhsakna hlanin, lawmthu sawiin hun a khar.
Tags
News