Government High School, Parva zirtirtu sawn a nih vangin khawtlang an lungawilo, Parva ah School kaitur an dang.

Govt Modern High School Lungtian a  Mathematics zirtirtu Pu H.Lalhmingmawia, Govt Aizawl High School a sawn anih chungchangah Joint Co Ordination Committee Lungtian ten lungawilohna lantira Sorkar an nawr hnu ah Lawngtlai District chhunga  Government High School, Parva zirtirtu Pu  V. Lalhmangaihzuala chu Govt Modern High School Lungtian ah sawn a ni chu hriatthiam har an tih thu Parva khawtlang hruaitute chuan thuchhuah siamin an tarlang.

An thuchhuah ah chuan Parva-I,II,III leh IV, VCP te  bakah Bondukbanga VCP in hming a ziahhnan bakah YMA, MHIP leh Bawm Students Association President ten hming an ziak hnan bawk.

Government High School, Parva chu helai chhehvela Zirna sang an neihchhun a nihlaiin, thuamthat a hlawhlo hle tih an sawi a, Zirtirtu indaihlohna nasatak an tawh mek laia, Regular Teacher an neihchhun   lakchhuahsak an ni chu engtikawngmahin hriatthiam theih a nilo an ti a, tun dinhmun ah Zirtirtu an neihchhun chu   Middle School atanga attached-a an dah chakma pahnih chauh an ni tawh tih khawtlang hruaitute chuan an sawi a, Headmaster ber pawh Chawngte ah awmin School a kaithalo tih khawtlang hruaitute chuan sawiin, thuneitu lamah an thlen thin pawn awmzia a neithuilo ni a an hriatthu an sawi bawk.

Aiawh dah pawh nilova, Zirtirtu sawnchhuahsak an nih vangin Parva khua a Zirna In a kaiturte chu vawiin khan an danga, Zirtirtu sawnchhuah tak pawh Sawnna thupek hnuhkir a nihhma chuan an khua chhuahsan an remtilo.